Ձերբակալվել է 29.01.2008 թ. Մեղադրվել է ՀՀ քր. օր. 258/3 հոդվածով.
Դատապարտվել է 2 տարվա ազատազրկման` 258 հոդվածի 4 մասի հատկանիշներով:
Համաներումը նրա վրա չի տարածվել:
Պաշտպանությունը (Փաստաբան Հովիկ Արսենյան), ինչպես Արագածոտնի մարզի ընդհանուր իրավասության դատարանում, այնպես էլ Վերաքննիչ քրեական դատարանում հիմնավոր ապես ապացուցեց առաջադրված քրեկան գործի շինծու լինելը: Նախ պաշտպանությունը վկայակոչեց վկաների ցուցմունքը, որոնք ապացուցեցին ամբաստանյալների անմեղությունը: Անգամ ոստիկանների տված ցուցմունքից երեւում էր, որ առաջադրված մեղադրանքում ամբաստանյալների մեղքը անհիմն է, իսկ քրեականգործը` կարճման ենթակա: Նույն բանը ապացուցեց գործին որպես իրեղեն ապացույց ներգրավված տեսասկավառակը, որտեղ հստակ երեւում է, որ Սափեյանները եւ Հայկ Գեւորգյանը որեւէ կերպ չեն մասնակցում «ծեծկռտուքին»: Ավելին, նրանք անգամ մոտ չենեղել իր սադրիչ գործողություններով արդեն մեծ համբավ ձեռք բերած Սարգիս Կարապետյանին: Ընդհանուր իրավասության դատարանի վճիռը, որը ոչ այլ ինչ է, եթե ոչ ակնհայտ անարդար դատավճիռ` (դատավոր Մանուկ Մարգարյան), որը հաստատվեց նաեւ Վերաքննիչ քրեական դատարանում` Ռեհանյան, Դանիելյան, Արղամանյան կազմով: Երկու ատյանների դատարաններն էլ հստակորեն կատարեցին իրենց առջեւ դրված խնդիրը եւ վաստակեցին ՀՀ Քրեական օրենսգրքի 352 հոդվածի դափնիները:
