Միսակ Հովակիմյանը ծնվել է 20.03. 1941 թ.
Կրթությունը բարձրագույն:
1976-ից մինչեւ 1986-ը աշխատել է ՙՀայֆիլ՚ կինոստուդիայում, եղել է մի քանի տասնյակ ֆիլմերի ստեղծագործական խմբերի ավագ հաշվապահը: 1986-ից մինչեւ 1992-ը աշխատել է Հ. Ղափլանյանի անվան դրամատիկական թատրոնում, որպես գլխավոր հաշվապահ: 1992-ից զբաղվել է գործարարությամբ: Ներկայումս թոշակառու է: Ամուսնացած է, ունի երեք երեխա, չորս թոռ:
Մարտի 1-ի առավոտյան ժամը 11-ի սահմաններում Մաշտոցի պողոտայի եւ Պուշկինի խաչմերուկի մոտից բերման է ենթարկվել ոստիկանության Կենտրոնի, իսկ այնուհետեւ Արաբկիրի բաժին: Նրան մեղադրանք է առաջադրվել ՀՀ Քրեական օերնսգրքի 316 հոդվածի 1-ին մասով:
Հովակիմյանի դատավարության ժամանակ ակնհայտ դարձել, որ դատարանում որպես վկա հանդես եկող երկու ոստիկանները` ոստիկանության Արաբկիրի բաժնի օպեր-լիազորներ Էդգար Պետրոսյանը եւ Գարիկ Շուշանյանը իրենք չեն բերման ենթարկել Հովակիմյանին, չնայած նրանք նման ցուցմունք էին տվել: Դատավարության ժամանակ հրապարակվեց Հովակիմյանին ոստիկանության բաժին բերման ենթարկելու տեսագրությունը, որտեղ ակնհայտ էրեւում է, որ նրան բերման են ենթարկել ոստիկանության հատուկ ջոկատայինները: Այդ փաստն էլ դարձավ այն անհերքեի ապացույցը, որ այս ոստիկանները մյուս գործերով անցնող վկա ոստիկանների պես սուտ ցուցմունքներ են տվել: Այսինքն, երկու ոստիկանի սուտ ցուցմունքի հիման վրա Հովակիմյանը մարտի 1-ից գտնվել է անազատության մեջ:
Հունիսի 13-ին Երեւանի Կենտրոն եւ Նորք-Մարաշ համայնքների ընդհանուր իրավասության դատարանի դատավոր Ռուբեն Ափինյանի դատավճռով Հովակիմյանը արդարացվեց եւ նա դատարանի դահլիճից ազատ արձակվեց:
| 
