Ընդդեմ քաղաքակական հալածանքների

Ծնվ. 24.12.1966 թ. Մատենադարանի փոխտնօրեն 2008 թվականի նախագահական ընտրությունների ժամանակ եղել է Վայոց Ձորի մարզում Լեւոն Տեր-Պետրոսյանի ներկայացուցիչը. Ձերբակալվել է 24.03.2008 թ. 25.07.2008թ. խափանման միջոցը փոխվել է չբացակայելու մասին ստորագրությամբ: Մեղադրվում է ՀՀ Քր.օր. 1542/2, 2251/1 եւ 225/1 հոդվածներով.

Մատենադարանի փոխտնօրեն, արտաքին կապերի պատասխանատու, “Մատենադարանի բարեկամներ” բարեգործական հիմնադրամի տնօրեն Արշակ Բանուչյանը ձերբակալված է:

Նա կասկածվում է մարտի 1-ի “զանգվածային անկարգություններին” մասնակցելու մեջ: Այս մասին մարտի 25-ին, հայտարարել է գլխավոր դատախազի մամուլի քարտուղար Սոնա Տռուզյանը:

Մարտի 24-ի երեկոյան իրավապահներն այցելել են Ա. Բանուչյանի բնակարան եւ մանրազնին խուզարկություն կատարել: “Եկվորներն” իրենց գործն ավարտելուց հետո առգրավել են Բանուչյանի աշխատանքային համակարգիչները, հիշողության քարտերը եւ դստեր ֆոտոապարատը: Մատենադարանի փոխտնօրենը խնդրել է, որպեսզի առանց իր ներկայության չփորփրեն համակարգիչների պարունակությունը, “որովհետեւ դրանցում զետեղված է հսկայական քանակությամբ գիտական եւ մշակութային ինֆորմացիա”: Իրավապահները խոստացել են, որ դա կանեն Բանուչյանի ներկայությամբ, քանի որ վերջինիս իրենց հետ տանելու են. “հակառակ դեպքում` ստիպված կենթարկեն բերման”: Մոտ 10 ժամ անց Ա. Բանուչյանը զանգել է տուն եւ տեղեկացրել, որ գտնվում է նախնական կալանքի տակ:

Մատենադարանի փոխտնօրենի պաշտպան Ստեփան Ոսկանյանի խոսքերով` Բանուչյանին դատախազությունում տվել են հարցեր, որոնք վերաբերել են խոշոր գումարներ ինչ-որ մարդկանց տալուն եւ վերջիններիս ներկայությունը հանրահավաքներին ապահովելուն:

“Ա. Բանուչյանը գիտնական, լրջախոհ մարդ է: Չեմ կարող հիմա վերջնական պատասխաններ տալ, բայց կարծում եմ, որ նրա ձերբակալությունը պայմանավորված է իր քաղաքական հայացքներով,- ասում է Մատենադարանի տնօրեն Հրաչյա Թամրազյանը:- Եվ ընդհանրապես, իբրեւ երեւույթ այս զանգվածային ձերբակալությունները համարում եմ արատավոր: Քանի որ այն ավելի է խորացնում հասարակության բեւեռացումը: Իսկ դա առավել ծանր է անդրադառնում երիտասարդ սերնդի վրա, նրա մեջ հուսալքում, հիասթափություն է առաջացնում”:

Ըստ Թամրազյանի` անհրաժեշտ է անհապաղ միջոցներ ձեռնարկել ստեղծված իրավիճակից դուրս գալու համար. “Բայց, կարծում եմ, որ այս պահին ելքի բանալիներն իշխանությունների ձեռքում են”:

Ինչվերաբերում է Ա. Բանուչյանի անվան հետ շրջանառվող “անհեթեթ մեղադրանքներին”, Մատենադարանի տնօրենը վստահ է, որ դրանք շուտով կհանվեն:

Ա. Բանուչյանը առաջին նախագահ Լեւոն Տեր-Պետրոսյանի  կողմնակիցն է: Վերջինիս նախագահության տարիներին զբաղեցրել է բարձր պաշտոններ, եղել է մշակույթի նախարարության երիտասարդության վարչության պետ: Բանուչյանը 16 տարեկանից աշխատում է Մատենադարանում, մշտապես զբաղվել է Մատենադարանի տպագրական աշխատանքի, ձեռագրերի հարստացման խնդիրներով: Վերջերս Մոկաց Ավետարանը Հայաստան բերվեց նրա համառ ջանքերի եւ մոսկվահայ բարերարների միջոցով:<!--[if !vml]--><!--[endif]-->