2008 թ. փետրվարի 19-ին` ՀՀ Նախագահի քվեարկության օրը, Մարտունու ենթաշրջանի Վարդաձոր գյուղի ընտրական տեղամասի մոտ գյուղապետը և նրա տղան հարձակվել են Լ.Տեր-Պետրոսյանի վստահված անձանց վրա, նրանցից մեկի այն դիտողությունից հետո, որ կոպտորեն խախտվում է ընտրական օրենսդրությունը և տեղամասում քառասուն ընտրողների ներկայությամբ կատարվում է բաց քվեարկություն: Ծեծի է ենթարկվել ԵԱՀԿ-ի երեւանյան գրասենյակի մարդու իրավունքների հանձնաժողովի ներկայացուցիչը, որը նկարահանում էր վստահված անձանց նկատմամբ կատարվող հաշվեհարդարը: Նրանից խլվել է տեսախցիկը: Միջադեպի ընթացքում ջարդել են նաև նրա ավտոմեքենայի դիմապակին: Չնայած նկարագրված դեպքի վերաբերյալ Սամվել Գեւորգյանը անմիջապես հեռաձայնել է մարզային ոստիկանության պետ Վ.Վարդանյանին և տեղեկացրել իրենց նկատմամբ կատարվող բռնությունների մասին, նույն օրվա երեկոյան, ըստ էության տուժած Սամվել Գեւորգյանի նկատմամբ հարուցվել է քրեական գործ եւ հայտարարվել հետախուզում:
| 
