Ընդհանուր իրավասության դատարանի կողմից ապրիլի 25-ին դատապարտվել է 1.5 տարվա ազատազրկման:
Վճիռը բողոքարկվել է:
Վերաքննիչ քրեական դատարանի որոշմամբ Ավագյանը դատապարտվեց 1,5 տարվա պայմանական ազատազրկման եւ ազատ արձակվեց դատարանի դահլիճից:
Ավագյանի «գործ»-ի մասին կարդացեք հրապարակումներ այստեղ եւ այստեղ:
Ձերբակալվել է առավոտյան 6:40-ին Ազատության հրապարակում կատարված հարձակումից հետո: Դատապարտվեց բացառապես իրեղեն ապացույց ոստիկանների ցուցմունքով: Թեեւ երկու վկաները ցուցմունք էին տվել, որ Ավագյանին ձերբակալել են այն պահին, երբ նա հասարակական կարգ էր խանգարում` փողոցով հայհոյելով քայլելիս, սակայն այդպես էլ վկաները չկարողացան ասել թե մասնավորապես որտեղ են ձերբակալել, ժամը քանիսին, ինչ հագուստով էր Ավագյանը, ինչ ակնոցներով, ինչ վիճակում: Ավագյանը փորձեց հիշեցնել ու ապացուցել, որ ոչ թե Վազգեն Սարգսյան փողոցում, ինչպես պնդում էր մի ոստիկանը, ոչ էլ Կրկեսի մոտ, ինչպես պնդեց մյուսը, այլ հյուսիսային պողոտայում, ոչ թե սպիտակ զոլավոր վերնաշապիկով, այլ սեւ բաճկոնով, ոչ թե օպտիկական ակնոցներով, այլ առանց ակնոցների, որովհետեւ դրանք կոտրվել էին հարձակման ժամանակ, մարմնական լուրջ վնասվածքներով եւ ոչ թե վկա ոստիկանների կողմից, այլ հատուկջոկատայինների կողմից: Այսքանից հետո դատավորին մնում էր ազատ արձակել Ավագյանին դատարանի դահլիճից եւ գործով ի հայտ եկած հանգամանքների հիման վրա պահանջեր քրեական գործ հարուցել ոստիկաններին պատասխանատվության կանչելու համար` կեղծ ցուցմունքներ տալու փաստով: Սակայն դատավորը շատ ավելի “իմաստուն” գտնվեց, եւ ակհայտ անարդար որոշում կայացրեց` դատապարտելով Արմեն Ավագյանին ազատզրկման:
