 | Ծնվ. 09.08.1956 թ. ՀՀՇ անդամ, ԵԿՄ անդամ, Անիի տարածքային բաժանմունքի փոխնախագահ. 2008 թ.նախագահական ընտրություններում եղել է ԼեվոնՏեր-Պետրոսյանի վստահված անձ, Մարալիկի նախընտրական շտաբի պետ.
Ձերբակալվել է 19.02.2008 թ.
Մեղադրվել է ՀՀ քր. օր. 112, 149/2 հոդվածներով. Ընդհանուր իրավասության դատարանի կողմից դատապարտվել է 7 տարվա ազատազրկման: Վերաքննիչ դատարանը սահմանել է 6 տարվա ազատազրկում` 149 եւ 112 հոդվածների հատկանիշներով: Համաներումը նրա վրա չի տարածվել: |
|
Ծնվելէ Անիի շրջանի Մարալիկ ավանում, բանվորի ընտանիքում: Սկզբնական կրթությունը ստացել է տեղի միջնակարգ դպրոցում: 1975-77 թթ. ծառայել է Խորհրդային բանակում: 1981թ-ին ավարտել է Լենինականի թեթեւ արդյունաբերության տեխնիկումը: Աշխատել է Մարալիկի կոլտնտեսությունում, այնուհետեւ բամբակամանվածքային ֆաբրիկայում: 1994-96 թթ. ղեկավարել է ՙՄարալիկ՚ ագրոֆիրման: 1996-2000թթ ղեկավարել էՙ ՆորԱնի՚ տոհմային-սերմաբուծական տնտեսությունը: Հարություն Ուռուտյանը Հայաստանի անկախության պայքարի եւ Արցախի ազատամարտի առաջամարտիկներից է: Եղել է Անիի ՙՉաուշ՚ երկրապահ կամավորական ջոկատի հրամանատարը: Ակտիվ մասնակցություն է ունեցել Երասխավանի, Նոյեմբերյանի, Տաուշի, Լաչինի պաշտպանական մարտերին, պարգեւատրվել էշքանշաններով, մեդալներով եւ բազմաթիվ պատվոգրերով: Եղել է Անիի շրջանային խորհրդի պատգամավոր: Անձնական նախաձեռնությամբ կազմակերպել է Մարալիկի ՙՍուրբ Աստվածածին՚ եկեղեցու նորոգման աշխատանքները: 2005-ին ընտրվել է Մարալիկ համայնքի ավագանու անդամ:
ԵԿՄ Անիի տարածաշրջանի տարածքային բաժանմունքի փոխնախագահն է: 1991-ից ՀՀՇանդամ է: Ամուսնացածէ, ունի 2 որդի եւ երեք թոռ:
Փետրվարի 19-ին, քվեարկությանօրը, գտնվել է իր ղեկավարած ընտրական շտաբում, երբ ահազանգ է ստացել, որ Սերժ Սարգսյանի կողմնակիցները կարուսելի եւ լցոնումների միջոցով ընտրակեղծիքներ են կատարում: Ուռությանը մեկնել է դեպքի վայր եւ ականտես եղել ակնհայտ կատարվող ընտրակաեղծիքների: Նա, որպես վստահված անձ, պահանջել է պահպանել քվեարկության օրինականությունը, սակայն ընտրական հանձնաժողովի անդամները եւ Սերժ Սարգսյանի վստահված անձինք հրահրել են սադրանք, որից հետո ծագած վիճաբանությունը եղել է երկկողմանի: Սակայն կեղծ, ակնհայտ սուտ ցուցմունքով բերման է ենթարկվել միայն Ուռությանը, ապա կալանավորվել եւ Շիրակի մարզի ընդհանուր իրավասության դատարանի կողմից դատապարտվել է 7 տարվա, իսկ Վերաքննիչ քրեական դատարանի կողմից 6 տարվա ազատազրկմաբ: Պաշտպանական կողմը` վստահ իր պաշտպանյալի անմեղության վրա, մտադիր է դիմել ՀՀ Վճռաբեկ դատարան, ապա նաեւ Մարդու իրավունքների Եւրոպական դատարան:
| 
