Հետընտրական զարգացումների կապակցությամբ անհիմն, միայն մարտի մեկին ունեցած հրապարակային ելույթի համար ձերբակալված քաղբանտարկյալ Շանթ Հարությունյանը, ս.թ. փետրվարի վերջերից սկսած Վարդաշեն քրեակատարողական հիմնարկում ենթարկվում էր հոգեբանական ու ֆիզիկական ճնշումների: Նա գտնվում էր մենախցում, բացարձակապես մեկուսացված էր արտաքին աշխարհից: ²ռանց որեւէ հիմնավորման նրան արգելվում էր տեսակցել կամ հեռախոսային խոսակցություններ ունենալ հարազատների հետ: Հետագայում`եւ հարազատների, եւ դատավարությանը հետեւող հանրության համար անսպասելի կերպով մարտի 9 –ին, Կենտրոն եւ Նորք-Մարաշ համայնքների առաջին ատյանի դատավորը որոշում կայացրեց, համաձայն որի Շանթ Հարությունյանը պետք է ենթարկվի դատահոգեբուժական փորձաքննության: Մարտի 17 –ից Շանթ Հարությունյանը գտնվում է Նուբարաշենի հոգեբուժարանում, բացարձակապես մեկուսացված պայմաններում: Անգամ նրա հարազատները նրան այցելել չեն կարողանում եւ որեւէ հստակ տեղեկություն նրա առողջական վիճակի կամ պահման պայմանների մասին առ այսօր չկա: <<Իրավունքի եւ ազատության կենտրոն>> հ/կ-ն իր մտահոգությունն է հայտնում Շանթ Հարությունյանի ճակատագրի կապակցությամբ եւ հայտարարում է, որ նրա անվտանգության եւ առողջական վիճակի համար ողջ պատասխանատվությունը կրում է ՀՀ գործող իշխանությունը:
|
