| grigav | Date: Friday, 2008-07-04, 1:58 AM | Message # 1 |
|
Group: Administrators
Messages: 15
Status: Offline
| 2008-ի Փետրվարի 19-ի նախագահական ընտրությունների ժամանակ եղել է ՀՀ առաջին նախագահ Լեւոն Տեր-Պետրոսյանի Վանաձորի նախընտրական շտաբի պետը: Մասնագիտությամբ` նկարիչ է: Մինչեւ 2007-ի հոկտեմբերի վերջը աշխատել է Վանաձորի Աբելյանի անվան պետական թատրոնում, որպես բեմադրական մասի վարիչ: Մանուկյանը աշխատանքից ազատվել է իր քաղաքական հայացքների համար, քանի որ հանդիսանալով ՀՀՇ վարչության անդամ եւ այդ կուսակցության Լոռու մարզի տարածքային կառույցի ղեկավար, դեռեւս անցած տարվա աշնանը հայտնվել է տեղի իշխանությունների ուշադրության կենտրոնում, նրանց իսկ ջանքերով էլ ազատվել է աշխատանքից:
Մանուկյանը մասնակցել է Լեւոն Տեր-Պետրոսյանի գլխավորած համաժողովրդական շարժման հանրահավաքներին եւ նստացույցներին: Մարտի 1-ի վաղ առավոտյան, երբ ոստիկանի հագուստով զինված ջոկատները հարձակվել են խաղաղ ցուցարարներ վրա Մանուկյանը եւս Ազատության հրապարակում է եղել: Այդ ջարդերի ժամանակ նրա վանաձորցի ընկերներից մեկը լուրջ մարմնական վնասվածքներ է ստացել եւ նա փորձել է իր ընկերոջը օգնություն ցույց տալ եւ նրան տեղափոխել հիվանդանոց: Հենց այդ ժամանակ էլ Մանուկյանին ոստիկանության աշխատակիցները ձերբակալել են, այնուհետեւ նրան մեղադրանք է առաջադրվել ՀՀ Քրեական օրենսգրքի 225` «Զանգվածային անկարգություններ» եւ 316` «Իշխանության ներկայացուցչի նկատմամբ բռնություն գործադրելը» հոդվածներով: Երբ փաստաբանի ներկայությամբ տեղի է ունեցել Մանուկյանի եւ նրա դեմ ցուցմունք տված ոստիկանի առերես հարցաքննությունը, ոստիկանը ասել է, որ Մանուկյանը իր նկատմամբ բռնություն չի կիրառել եւ անօրինական որեւէ քայլ չի կատարել: Սակայն, քիչ անց հենց փաստաբանի ներկայությամբ քննիչը ոստիկանին պարտադրել է, որ նա սուտ ցուցմունք գրի եւ նշի, որ Մանուկյանը իր նկատմամբ ոտնձգություն է թույլ տվել:
Այժմ Մանուկյանը գտնվում է «Նուբարաշեն» քրեակատարողական հիմնարկում:
|
| |
| |
